PROTOCOLO EDUCATIVO PARA A PREVENCIÓN, DETECCIÓN E TRATAMENTO DE ACOSO E CIBERACOSO ESCOLAR

A Consellería de Cultura, Educación, Formación Profesional e Universidades vén de publicar o Plan  Integral contra o acoso e ciberacoso escolar así como de actualizar o protocolo educativo para a prevención, detección e tratamento de acoso e ciberacoso escolar.

 

GUÍAS PARA O PROFESORADO SOBRE BULLYING E CIBERBULLYING

Deixamos dúas guías de recursos didácticos para centros educativos. Unha elaborada polo Colexio Oficial da Psicoloxía de Madrid e a Fundación Atresmedia (2014) e outra elaborada por Save the Children.

GUÍA PARA PREVENIR O ACOSO ESCOLAR

No día internacional contra o Acoso Escolar recomendamos a guía de UNICEF para a prevención do acoso.

O SÁNDWICH DE MARIANA

A profe Rocío propón ao alumnado de 5º e 6º de educación primaria o visionado da película de Carlos Cuarón O sándwich de Mariana. Con esta curtametraxe imos traballar o recoñecemento das emocións alleas, a empatía, a asertividade... 

Esperamos que vos guste!

E agora... sodes capaces de responder as seguintes preguntas?

1. Que significa acoso escolar, vitima, acosador ou acosadora, maltrato, solucións?
2. Reflexiona e pensa:
• Como actuarías ante esa situación?, Intervirías ou non?, Por que?
• Como cres que se sinte a protagonista (Mariana)?
• Cres que é un feito natural que os compañeiros e compañeiras traten dese modo a Mariana?
• Cal das dúas rapazas é vitima de violencia?
• Paréceche adecuada a reacción de Mariana?