Páginas

lunes, 15 de junio de 2020

FICHAS PARA TRABALLAR O AUTOCONTROL NAS PERSOAS CON TEA

Deixamos este material creado e publicado por Amaya Ariz, presidenta da Asociación Navarra de Autismo-ANA, con pictogramas de ARASAC e Picto Selector, para traballar o autocontrol, os enfados, as rabechas, as crises e a flexibilidade nas persoas que presentan Trastornos do Espectro do  Autismo.
Esperamos que sexan de utilidade!!




CADERNO DE TRABALLO, MARTES 16

Ola, aquí estamos novamente o profesorado do departamento de orientación e o titor de 4º  para deixarvos as actividades de mañá, MARTES, 16 de xuño. 



Imos comezar ao igual que estes días coa asamblea, onde explicamos as tarefas que imos facer ao longo da mañá.

Continuamos coa hora de ler, escollendo un conto que lemos en voz baixa durante 10-15 minutos.
A proposta de hoxe  Y DE REPENTE SE FUE LA LUZ... DE LA LUNA, un conto  de Xabier Frías Conde e Laufer da editorial PINTAR-PINTAR #yomequedoencasaleyendo . Esperamos que vos guste!



Comeza a clase da profe Paula cunha actividade para descifrar a mensaxe oculta, onde se deberá cambiar os debuxos polas letras que correspondan. Tamén unha actividade online de seguimento de instrucións e, por último,  vemos o conto e escoitamos a canción de "A princesa do Caurel".  
Seguimos coa profe Glenda traballando matemáticas. Prememos na seguinte pizarra:
E para rematar, imos traballar co profe Rubén  aspectos clave da educación vial. Debemos ler as instruccións onde se  indica que accederemos a unha ficha interactiva con tres vídeos moi sinxelos e con información que servirá para realizar as actividades interactivas que a ficha inclúe a continuación.

E pola tarde? Propoñemos realizar Mindfulness con esta adaptación:
Programa MindfulTEA para personas con autismo: Práctica de la estrella de FESPAU (Federación Española de Autismo). 



sábado, 13 de junio de 2020

E AGORA QUE? COMO MANEXAR AS TÚAS EMOCIÓNS NA DESESCALADA

Deixamos este completa guía do Colexio da Psicoloxía de Madrid para facer fronte ás emocións producidas pola desescalada: incertidume, indefensión, medo, enfado....




jueves, 11 de junio de 2020

ACCESIBILIDADE COGNITIVA

Autismo Galicia deixanos esta guía sobre accesibilidade cognitiva para facilitar a orientación na contorna, entender a información que nos rodea, comunicarse e relacionarse con outras persoas. A accesibilidade cognitiva axuda a todas as persoas pero especialmente ás persoas con dificultade para a comprensión do entorno.
Esperamos que sexa de axuda!!!



CADERNO DE TRABALLO, VENRES 12

Ola, o profesorado do departamento de orientación e o titor de 4º deixámosvos as actividades de mañá, VENRES, 12 de xuño.



Comezamos a sesión de traballo coa asamblea, onde explicamos as tarefas que imos facer ao longo da mañá.

Continuamos coa hora de ler,  lendo en voz baixa durante 10-15 minutos.

A proposta de hoxe:     O TEMPO DO REVÉS de María Solar de Baía Edicións #euquedolendo #baíaconnósnacasa. Esperamos que vos guste!!


Seguimos coa clase da profe Paula traballando unha actividade interactiva para construír frases de catro elementos. Tamén un conto-canción titulado "La iguana y el perezoso!" para despois responder a preguntas da páxina de pictocuentos. Por último, a canción de "Meu o mundo é" de Paco Nogueiras.  Lemos as explicacións da profe e prememos no encerado que temos debaixo.
A continuación traballamos mates coa profe Glenda  premendo na seguinte pizarra:
Finalmente seguiremos traballando co profe Rubén a pirámide alimentaria. Primeiro accederemos ao documento das instruccións onde se explica que faremos unha ficha interactiva co ordenador. Na propia ficha a primeira actividade consiste en ver un vídeo que explica o tema de forma sinxela. Tras velo dúas veces deberemos realizar as dúas actividades interactivas que hai a continuación.

E pola tarde? Propoñemos xogar ao 1, 2, 3 CHOCOLATE INGLÉS, xogo popular adaptado con pictogramas para facelo comprensible para todos/as. Na ficha recóllese o título do xogo, os materiais, as características, o número de participantes e a descrición das distintas normas para o seu desenvolvemento, así coma as variantes e adaptacións. Esperamos que o pasedes moi moi ben!!





miércoles, 10 de junio de 2020

RUTINAS PARA A HIXIENE E ASEO PERSOAL

Deixamos un conxunto de tableiros de Marta Donés Martínez con distintas rutinas para a hixiene e o aseo persoal: duchase, lavar as mans, cepillar os dentes, ir ao baño, cortar as unllas e ir a durmir:


CADERNO DE TRABALLO, XOVES 11

Ola, o profesorado do departamento de orientación e o titor de 4º deixámosvos as actividades de mañá, XOVES, 11 de maio.



Comezamos a sesión de traballo coa asamblea, onde explicamos as tarefas que imos facer ao longo da mañá.


Continuamos coa hora de ler,  lendo en voz baixa durante 10-15 minutos.
A proposta de hoxe:  ANA Y LAS BOLSAS DE PLÁSTICO, un conto interactivo de Setefilla Lopez para concienciar sobre o impacto medioambiental do abuso das bolsas de plástico, que causan daños irreparables na nosa contorna habitual e no futuro do planeta. Esperamos que vos guste!
Seguimos coa clase da profe Paula coa que realizarás unha actividade  de razoamento verbal e categorías semánticas, onde se deberá localizar os elementos intrusos. Tamén unha proposta de actividade online de seguimento de instrucións e, por último, a canción de "Rocanrol Dragón" de Magín Blanco. Coma sempre, prememos no encerado que temos debaixo para realizar as actividades.
A continuación traballamos mates coa profe Glenda  premendo na seguinte pizarra:
Finalmente imos traballar co profe Rubén as 3 R (reducir, reutilizar e reciclar) como unha forma de axudar á natureza. Leeremos as instrucións onde se explica o que imos facer, despois veremos dous vídeos (o primeiro no que se explica de forma moi sinxela que son as 3 R e o segundo é unha canción coa que aprenderemos a cor dos contenedores para reciclar correctamente). Finalmente realizaremos unha ficha interactiva autocorrixible. Prememos no encerado que temos debaixo para ler as instrucións do profe Rubén.






E pola tarde? Imos traballar a nosa motricidade facendo esta ra (papiroflexia con Jorge Pardo).