Publicación no BOE de hoxe, 30 de decembro de 2020, da Lei Orgánica 3/2020, de 29 de decembro, pola que se modifica a Lei Orgánica 2/2006, do 3 de maio, de Educación.
A LOMLOE entrará en vigor en 20 días tras a súa publicación hoxe no BOE aínda que fixa un calendario de implantación das distintas medidas.
Publicada o ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Nesta orde recóllense os prazos para a tramitación dos procedementos de admisión e de matrícula do alumnado.
Normativa de aplicación
Acceso á Sede Electrónica
As mochilas lilas comenzan a súa andaina este 25 de novembro para quedarse conosco. Son mochilas viaxeiras temáticas sobre igualdade de oportunidades entre mulleres e homes, a prevención e tratamento da violencia de xénero, a promoción do respecto pola diversidade afectivo-sexual e a prevención e tratamento da LGBTIfobia entre outras. Esta actividade está recollida no Plan de Igualdade do noso centro.
Grazas equipo de biblio por esta fantástica selección de recursos!!
Imos compartir a estupenda proposta de contos e cancións realizada polo equipo da biblio do noso cole a prol da igualdade e a prevención e loita contra a violencia de xénero.
Grazas equipo de biblio!!
Se por calquera circunstancia tes que quedar uns días na casa, non debes preocuparte. No cole temos todo preparado para acompañarte durante eses días. Ides seguir as clases dende casa coa axuda de todo o profesorado.
A aprendizaxe na casa é unha tarefa un pouquiño máis complexa que o traballo no cole. Ter rutinas é unha das dificultades que ides atopar e se fai imprescindible o uso de horarios.
É por iso que dende o Departemento de Orientación fixemos esta guía para estudar e aprender dende casa tendo en conta o voso grao de autonomía na realización das tarefas.
Esperamos que sexa de axuda para aqueles/as que teñades que estar durante uns días na casa… Eso sí, non vos
esquezades de contactar connosco sempre que o necesitedes e seguir as clases tendo en conta as indicacións do voso profesorado!!!
Coa finalidade de axudar ao noso alumnado a desenvolver as súas habilidades para resolver conflitos de forma autónoma e e coa menor axuda do adulto, poñemos a súa disposición a seguinte ferramenta para fomentar a reflexión sobre un conflito dado, para comprender o papel das súas emocións e para tomar conciencia das súas condutas.
A través da reflexión, a comunicación e a negociación buscamos alternativas para a resolución pacífica de conflitos.
Con esta actividade pretendemos desenvolver a habilidade de resolver conflitos a través do acercamento e o acordo, pretendemos fomentar a visión do conflito como unha oportunidade de aprender e chegar a un acordo, e pretendemos favorecer a reflexión sobre as nosas emocións, pensamentos e actuacións.
Eliximos un lugar adecuado e comezamos!
Deixamos unhas pautas de Iris Carabal Reyes para as familias do alumnado con TEA que así o desexen para facilitar o uso da máscara de protección.
Deixamos as recomendacións da Asociación Españoña de Pediatría para a reincorporación do alumnado con enfermidade crónica.
Neste documento se recollen o conxunto de medidas que se consideran importantes e específicas en cada grupo de pacientes. Estas recomendacións iranse revisando polos expertos e poderán ser modificadas en función da evolución da situación epidemiolóxica, as recomendacións xerais do Ministerio de Sanidade e da publicación de novos documentos científicos que modifiquen a evidencia da que se dispón ata o momento actual.
Recordade que debemos ter en conta que para tomar calquera decisión e ante calquera dúbida debemos acudir ao especialista responsable de cada paciente.
A volta á escola pode supor unha situación de estrés para o profesorado, os nenos e nenas e para as familias. A situación na que nos atopamos, a incertidume, o medo a ser contaxiados polo COVID... É de gran axuda poder manexar o estrés e a ansiedade que causan certos cambios.
É por todo iso que imos deixar unhas pautas de Ismael Simón Álvarez, psicólogo xeral sanitario do centro psicopedagóxico Don Sancho de Valladolid e publicadas en Familia y Salud.
Está aberto o prazo de presentación de solicitudes de axudas para o alumnado con necesidade específica de apoio educativo convocado polo Ministerio de Educación e Formación Profesional: dende o 9 de agosto de 2020 ata o 30 de setembro de 2020
Podedes atopar toda a información desta convocatoria en:
Comezamos a escola o 10 de setembro pero antes queríamos deixar unhas pautas sobre hábitos para pais e nais de nenos e nenas que inician a escolarización este curso, unhas pautas do Departamento de Orientación e o equipo de mestras de Educación Infantil que faciliten o inicio da escolaridade e o díptico de benvida da escola ADAPTADO AO PROTOCOLO DE ADAPTACIÓN AO CONTEXTO DA COVID 19 NOS CENTROS DE ENSINO NON UNIVERSITARIO DE GALICIA PARA O CURSO 2020-2021 que contén as principais normas do centro e o calendario do período de adaptación.
