CADERNO DE TRABALLO, LUNS 18

Ola, aquí estamos unha semana máis o profesorado do departamento de orientación e o titor de 4º  para deixarvos as actividades de mañá, LUNS, 18 de maio. Hoxe está connosco tamén o teacher Rafa.

Comezamos unha vez máis coa asamblea, onde explicamos as tarefas que imos facer ao longo da mañá.

Continuamos coa hora de ler, lendo un conto en voz baixa durante 10-15 minutos. 

A nosa proposta é ler este manual-conto de Ángeles Ruiz Vázquez, farmacéutica. Ángeles Ruiz é a autora do Blog de divulgación sanitaria "Pócimas de salud". Con data 11 de marzo de 2020 e ante a pandemia de coronavirus ofrécenos este “Manual de coronavirus para niños”  que pode ser de utilidade para informar e ao mesmo tempo diminuír a preoucpación de nenos e nenas e ensinarlles medidas útiles de hixiene e prevención.

Preparados...!

Continuamos coa clase da profe Paula con quen traballaremos unhas actividades para estimular a linguaxe, con vocabulario, uso axeitado de determinantes, rimas, etc. Tamén faredes un ditado con imaxes online e finalmente cantaredes e bailaredes a canción de "A horta de Balbina".

Explicacións da profe

Seguimos coa profe Glenda traballando series numéricas con e sen calculadora premendo na seguinte pizarra:

E para rematar, traballamos inglés co teacher Rafa!

E pola tarde?  Podemos gañar autonomía facendo a nosa merenda: un batido de fresa e plátano para despois ver e escoitar o conto "La selva loca".

Adaptación do conto "La selva loca" con pictogramas de Garbiñe Candina que serve para traballar a lectura global.